Wednesday, January 19, 2022
spot_imgspot_imgspot_imgspot_img
Homeشوبزنواز الدین صدیقی نے ہیرو اور اداکار کے فرق کو واضح کردیا

نواز الدین صدیقی نے ہیرو اور اداکار کے فرق کو واضح کردیا

ممبئی(این اے نیوز رپورٹ) بالی ووڈ اداکار نواز الدین صدیقی نے ہیرو اور اداکار کے بنیادی فرق کو واضح کرتے ہوئے کہا ہے کہ ہیرو کا ایک خاص وقت جبکہ اداکار کی ساری زندگی ہوتی ہے۔بھارتی میڈیا رپورٹ کے مطابق نواز الدین صدیقی نے حال ہی میں ہیرو اور اداکار کے فرق کے موضوع پر منعقد کیے گئے مباحثے میں شرکت کی۔انہوں نے اس حوالے سے پوچھے گئے سوال کا دلچسپ جواب دیتے ہوئے کہا کہ ’یہ تو کوئی بھی بتا سکتا ہے کہ ہیرو کا وقت ہوتا ہے اور اداکار کا کوئی وقت نہیں ہوتا (پوری زندگی ہوتی ہے)‘۔
نواز الدین صدیقی کا کہنا تھا کہ ’اداکار اپنی پوری زندگی اداکاری کرتا اور علیحدہ علیحدہ کرداروں میں نظر آتا ہے‘۔ اپنی بات کو آگے بڑھاتے ہوئے نواز الدین کا کہنا تھا کہ ہیرو جسمانی خوبصورتی برقرار رہنے تک نظروں میں رہتا اور پھر باڈی ختم ہوتے ہی اسکرین سے غائب ہوجاتا ہے۔یاد رہے کہ نواز الدین صدیقی کا شمار اُن اداکاروں میں ہوتا ہے جنہوں نے اپنی صلاحیتوں، جاندار اداکاری اور جملوں کی بہترین ادائیگی کی بنیاد پر بھارت سمیت دنیا بھر میں اپنے پرستار بنائے۔نواز الدین صدیقی آخری بارآن لائن ویڈیو پلیٹ فارم نیٹ فلکس پر ریلیز ہونے والی سیریز ’ایان مانی‘ میں نظر آئے تھے، انہیں حال ہی میں بہترین اداکاری کرنے پر ایمی ایوارڈ سے بھی نوازا گیا تھا۔

RELATED ARTICLES

LEAVE A REPLY

Please enter your comment!
Please enter your name here

- Advertisment -spot_img

Most Popular

Recent Comments