Thursday, January 27, 2022
spot_imgspot_imgspot_imgspot_img
Homeانٹرنیشنلبھارتی فوج کی ریاستی دہشت گردی میں ایک اور کشمیری نوجوان شہید

بھارتی فوج کی ریاستی دہشت گردی میں ایک اور کشمیری نوجوان شہید

سری نگر(این اے نیوز رپورٹ) مقبوضہ کشمیر میں بھارتی فوج نے نام نہاد سرچ آپریشن کے دوران نوجوان کو گرفتار کرنے کے بعد گولیاں مار کر شہید کردیا۔کشمیر میڈیا سروس کے مطابق قابض بھارتی فوج نے جنت نظیر وادی کے ضلع سری نگر کے علاقے ہروان کے داخلی اور خارجی راستوں کو بند کرکے سرچ آپریشن کیا۔سرچ آپریشن کے دوران قابض بھارتی فوج نے گھر گھر تلاشی لی۔ خواتین کو ہراساں کیا اور بچوں کو ڈرایا دھمکایا گیا جب کہ بزرگوں پر بھی تشدد کیا گیا۔قابض بھارتی فوج نے نام نہاد سرچ آپریشن کے دوران ایک نوجوان کو گرفتار کرلیا بعد ازاں نوجوان کی گولیوں سے چھلنی تشدد زدہ لاش قریبی علاقے سے ملی۔بھارت نواز کٹھ پتلی انتظامیہ نے نوجوان کو عسکریت پسند ثابت کرنے کی ناکام کوشش کرتے ہوئے کہا کہ نوجوان مسلح تھا جسے قانون نافذ کرنے والے اہلکاروں نے مقابلے میں مارا۔تاہم عینی شاہدین نے حقائق بیان کرتے ہوئے اس دعوے کی قلعی کھول دی۔ لواحقین نے علاقہ مکینوں کے ہمراہ نوجوان کی لاش سڑک پر رکھ کر بھارتی فوج کی جارحیت کے خلاف احتجاج کیا۔

RELATED ARTICLES

LEAVE A REPLY

Please enter your comment!
Please enter your name here

- Advertisment -spot_img

Most Popular

Recent Comments