Monday, January 17, 2022
spot_imgspot_imgspot_imgspot_img
Homeبزنسڈالر کے اوپن مارکیٹ ریٹ 179 روپے سے نیچے آگئے

ڈالر کے اوپن مارکیٹ ریٹ 179 روپے سے نیچے آگئے

کراچی﴿این اے نیوز﴾ انٹربینک مارکیٹ میں طلب برقرار رہنے سے ڈالر کی قدر میں اتار چڑھاؤ کے باوجود پیر کو زرمبادلہ کی دونوں مارکیٹوں میں ایک بار پھر ڈالر کے مقابلے میں روپیہ تگڑا رہا جس سے ڈالر کے اوپن ریٹ 179 روپے سے نیچے آگئے۔سعودی عرب کی جانب سے اسٹیٹ بینک آف پاکستان کو 3 ارب ڈالر موصول ہونے کے بعد ملکی زرمبادلہ کے مجموعی ذخائر 25 ارب 49 کروڑ ڈالر سے تجاوز کرجانے کے مثبت اثرات زرمبادلہ کی دونوں مارکیٹوں پر مرتب ہوئے۔کاروبار کے آغاز پر انٹربینک مارکیٹ میں ڈالر کی قدر ایک موقع پر 19 پیسے کے اضافے سے 176.95 روپے کی سطح پر پہنچ گئی تھی لیکن کچھ دیر بعد ہی ڈیمانڈ گھٹنے سے ڈالر کی قدر تنزلی سے دوچار ہوئی جس سے ایک موقع پر ڈالر کے انٹربینک ریٹ 176.14 روپے کی سطح پر آگئی تھی۔
تاہم کاروبار کے اختتام پر انٹربینک میں ڈالر کی قدر 29 پیسے کی کمی سے 176.46 روپے پر بند ہوئی جبکہ اوپن کرنسی مارکیٹ میں ڈالر کی قدر ایک روپے کی کمی سے 178.50 روپے پر بند ہوئی۔واضح رہے کہ سعودی فنڈ ملنے کے بعد زرمبادلہ کے سرکاری ذخائر 19 ارب ڈالر سے تجاوز کرگئے جو ڈھائی ماہ کے درآمدی بل کی ادائیگیوں کے لیے کافی ہوں گے۔

RELATED ARTICLES

LEAVE A REPLY

Please enter your comment!
Please enter your name here

- Advertisment -spot_img

Most Popular

Recent Comments