Monday, January 17, 2022
spot_imgspot_imgspot_imgspot_img
Homeانٹرنیشنلمیانمار کی فوجی عدالت نے آنگ سان سوچی کو 4 سال قید...

میانمار کی فوجی عدالت نے آنگ سان سوچی کو 4 سال قید کی سزا سنا دی

ینگون﴿این اے نیوز﴾ فوجی بغاوت میں جبری طور پر معزول کی گئی میانمار کی نوبل انعام یافتہ حکمراں آنگ سان سوچی کو چار سال قید کی سزا سنائی گئی ہے۔عالمی خبر رساں ادارے کے مطابق میانمار میں فوجی بغاوت کے نتیجے میں گرفتار ہونے والی ملک کی حکمراں آنگ سان سوچی اور صدر وِن مینٹ کو عدالت نے 4 سال قید کی سزا سنائی ہے۔بغاوت کے بعد قائم کی گئی آمر حکومت ’فوجی جنتا‘ کے ترجمان کا کہنا ہے کہ سابق حکمرانوں کو تشدد پر اکسانے اور کورونا پابندیوں کی خلاف ورزی کرنے کے جرم میں سزا سنائی گئی ہے۔ خبر پڑھیں : میانمارمیں فوج نےاقتدار پرقبضہ کرکے ایمرجنسی نافذ کردی، آنگ سان سوچی گرفتار سماعت کے وقت عدالت میں صحافیوں کو بھی داخل ہونے کی اجازت نہیں دی گئی۔ یکم فروری کو فوجی بغاوت کے بعد جب آنگ سان سوچی کو گرفتار کیا گیا تھا تو ان پر الیکشن میں دھاندلی اور کرپشن کے الزامات عائد کیے گئے تھے۔یہ خبر بھی پڑھیں : میانمار میں فوجی بغاوت کیخلاف مظاہرین پر پولیس نے کار چڑھا دی، 5 ہلاک گرفتاری کے دوران آنگ سان سوچی نے فوجی بغاوت کی حمایت اور اپنے جمہوری حق سے دستبردار ہونے سے انکار کردیا تھا جس کے بعد ان پر مزید مقدمات قائم کیے گئے ہیں تاہم ایک بھی ثابت نہیں کیا جا سکا۔یہ بھی پڑھیں : میانمار میں پارسل بم دھماکے میں رکن اسمبلی سمیت 5 افراد ہلاک ادھرآنگ سان سوچی کو سزا کے بعد فوجی بغاوت کے خلاف احتجاج میں مزید تیزی آگئی ہے اور اس دوران سیکیورٹی فورسز نے 5 مظاہرین کو گاڑی تلے کچل دیا۔

RELATED ARTICLES

LEAVE A REPLY

Please enter your comment!
Please enter your name here

- Advertisment -spot_img

Most Popular

Recent Comments