0

وزیراعلیٰ پنجاب نے ایک لاکھ گھروں کی تعمیر کیلیے جامع پلان طلب کرلیا

لاہور: وزیراعلیٰ پنجاب مریم نواز نے ایک لاکھ گھروں کی تعمیر کے لیے جامع پلان طلب کرلیا۔مسلم لیگ ن کی رہنما اور نومنتخب وزیراعلیٰ پنجاب مریم نواز نے انتخابی مہم کے دوران کیے گئے وعدوں پر عمل کے سلسلے میں صوبے میں ایک لاکھ گھروں کی تعمیر کے لیے جامع پلان طلب کرلیا۔مریم نواز نے پنجاب میں ’اپنی چھت اپنا گھر‘ پراجیکٹ کے سلسلے میں خصوصی اجلاس کی صدارت کی، جس میں انہوں نے اس منصوبے پر عمل کے لیے حکمت عملی طلب کرلی، جس کے تحت صوبے کے ہر ضلع میں کم آمدن والے افراد کے لیے 3 ہزار سے زائد گھر بنائے جائیں گے۔وزیراعلیٰ پنجاب مریم نواز شریف نے 6ہفتوں میں ماڈل گھر تیار کرنے، ان کی ڈاؤن پے منٹ اور ماہانہ قسط کم سے کم رکھنے کی ہدایت کرتے ہوئے کہا ہے کہ صوبے میں کم آمدن والے بے گھر افراد کو بنے بنائے گھر دیے جائیں گے۔ غریب کے لیے چھت مہیا کرنا ہمار امنشور ہے،وعدہ ضرور پورا کریں گے۔انہوں نے ہدایت کی کہ بنے بنائے گھروں کی تعمیر میں تعمیراتی معیار اورپائیدار ی کو ملحوظ خاطر رکھا جائے۔کم آمدنی والے لوگوں کے لیے گھر شہروں کے قریب ہوں تاکہ انہیں آمدورفت میں بھی آسانی ہو۔اس موقع پر سابق سینیٹر پرویز رشید،ارکان اسمبلی عظمیٰ بخاری، چیف سیکرٹری،ایس ایم بی آر،چیئرمین پی اینڈ ڈی،سیکرٹری ہاؤسنگ،سیکرٹری فنانس،کمشنر لاہور اور دیگر حکام بھی موجود تھے۔

اس خبر پر اپنی رائے کا اظہار کریں

اپنا تبصرہ بھیجیں