0

یونان: 13 پاکستانی اور شامی پناہ گزینوں پر جنگل میں آگ لگانے کا الزام

کشتی حادثے میں متعدد افراد کی ہلاکت پر اپنی نااہلی چھپانے کی کوشش کرنے یونان نے جنگلات کی آگ کا الزام پاکستانیوں اورشامی پناہ گزینوں کو دے دیا۔برطانوی میڈیا کے مطابق یونان کے مختلف علاقوں میں جنگلات میں لگنے والی آگ سے مرنے والوں کی تعداد 21 ہو گئی ہے۔ یونانی حکام نے 13 شامی اور پاکستانی پناہ گزینوں پر آگ لگانے کا الزام عائد کیا ہے جبکہ ایک یونانی شہری کو بھی جمعرات کو گرفتار کیا گیا۔یونانی فائر فائٹرز متعدد مقامات پر لگی آگ پر قابو پانے کے لیے اب بھی کوششوں میں مصروف ہیں۔ فائربریگیڈ کی جانب سے جاری بیان میں کہا گیا ہے کہ شمالی یونان کے علاقے ایوروس سے2 بچوں سمیت 20 افراد کی لاشیں ملی ہیں۔ امکان ہے کہ مرنے والے پناہ گزین تھے۔ایوروس کا علاقہ یونان کے پڑوسی ملک ترکی سے ملتا ہے اور یہیں سے پناہ کے متلاشی افراد یونان میں داخل ہوتے ہیں۔ مقامی سرحدی محافظوں نے خبردار کیا تھا کہ اس آتشزدگی میں مزید پناہ گزین پھنس سکتے ہیں۔

اس خبر پر اپنی رائے کا اظہار کریں

اپنا تبصرہ بھیجیں