0

بھارتی فلمساز کا شاہ رخ خان پر بالی وڈ انڈسٹری کو تباہ کرنے کا الزام

بھارتی فلمساز وویک اگنی ہوتری نے بالی وڈ کنگ شاہ رخ خان پر الزام لگایا ہے کہ وہ انڈسٹری کو تباہ کررہے ہیں۔ ایک تازہ انٹرویو میں متنازعہ فلم ’کشمیر فائلز‘ کے ڈائریکٹر نے کہا کہ شاہ رخ خان صرف باکس آفس پر کامیابی کیلئے فلم بنارہے ہیں اس میں عام لوگوں کیلئے کچھ نہیں ہے۔وویک اگنی ہوتری کا کہنا تھا اگرچہ وہ بالی وڈ کنگ کے بہت بڑے فین ہیں اور سمجھتے ہیں کہ ان کی کرشماتی شخصیت کا کوئی مقابل نہیں ہے لیکن انہیں اداکار کی سیاست پسند نہیں ہے۔فلمساز نے بتایا کہ اب بالی وڈ میں صرف پبلک ریلیشنز، سنسنی خیزی، گلیمر اور سپر اسٹار ہی رہ گئے ہیں اور جو سپراسٹار نہ ہوتو اسے قبول نہیں کیا جاتا۔شاہ رخ خان کے ساتھ کام کرنے کے متعلق ان کا کہنا تھا کہ اداکار ان کے ساتھ کام نہیں کریں گے کیوں وہاں انہیں پس منظر میں رہنا پڑے گا اور وہ یہ نہیں کرسکتے۔واضح رہے کہ شاہ رخ خان نے رواں برس اپنی فلم ’پٹھان‘ کے ساتھ باکس آفس پر نئے ریکارڈ قائم کیے اور اب ان کی فلم ’جوان‘ بھی نئے سنگ میل قائم کرنے جارہی ہے۔

اس خبر پر اپنی رائے کا اظہار کریں

اپنا تبصرہ بھیجیں